Azərbaycan, Bakı, 26 sentyabr / Trend , müxbir N.İsmayılova/
ABŞ Beynəlxalq İnkişaf Agentliyi (USAID) və Azərbaycan hökuməti ölkədə birgə layihələrin maliyyələşməsinin illik 25 milyon dollaradək artırılması barədə qərar qəbul ediblər. Bu barədə USAID-in ölkə üzrə koordinatoru Skot Teylor deyib.
Onun sözlərinə görə, hazırda 2010 və 2011-ci illərdə 10 milyon dollar üzrə Azərbaycan hökuməti tərəfindən maliyyələşmə təsdiq edilib və müvafiq olaraq USAID-in pay iştirakı illik 15 milyon dollar təşkil edəcək.
"Ölkə hökuməti əməkdaşlıqda maraqlıdır. Buna görə də gələcəkdə USAID tərəfindən ikiqat və ya üçqat maliyyələşdirmə məsələsinin nəzərdən keçirilməsi, eləcə də ölkə hökuməti tərəfindən maliyyələşmənin həcminin artırılması təklif olunur", - Teylor deyib.
Məqalə müəllifi ilə əlaqə ünvanı: [email protected]