Azərbaycan, Bakı, 30 sentyabr / Trend , müxbir N.İsmayılova/
Azərbaycanın Qiymətli Kağızlar üzrə Dövlət Komitəsi və Dünya Bankı Azərbaycanın fond bazarının ticarət sisteminin yeni arxitekturasının yaradılması layihəsi üzrə danışıqları oktyabrda davam etdirmək niyyətindədir, bu barədə çərşənbə axşamı QKDK-nin sədri Rüfət Aslanlı bildirib.
"Müzakirələr oktyabrın əvvəlində DB missiyasının Bakıya səfəri zamanı keçiriəcək", - Aslanlı bildirib.
Onun sözlərinə əsasən, əvvəlki missiyanın nəticələrinə əsasən bu layihənin ilkin sənədi hazırlanıb.
Layihənin həyata keçirilməsi nəticəsində hazırda mövcud olan ödəmə sistemi ilə müqayisə oluna biləcək elektron ticarət sistemi əldə olunacaq, yəni BFB-da on-line rejimdə qiymətli kağızlar ticarətini təmin etmək imkanı yaranacaq, həmçinin elektron formatda qiymətli kağız hüququnun ötürülməsi imkanı da yaranacaq.
Məqalə müəllifi ilə əlaqə ünvanı: [email protected]