Azərbaycan, Bakı, 01 oktyabr / Trend , müxbir N.İsmayılova/
2009-cu ilin avqust ayı ərzində Azərbaycanın bank sektorunda kapitallaşma 1,48 faiz, ilin əvvəli ilə müqayisədə isə 12,6 faiz artaraq sentyabrın 1-nə 1920,2 milyon manat təşkil edib. Bu barədə cümə axşamı Azərbaycan Mərkəzi Bankından (AMB) deyilib.
AMB-nin statistik məlumatına görə, 2009-cu il avqustun sonunda ilin əvvəlində 43 banka qarşı olaraq 41 bankın kapitalı 10 milyon manat artıb. Bankların bu kateqoriyasına müvafiq olaraq müştərək kapitalın xüsusi çəkisi 98,6 faizdən 97,6 faizədək azalıb.
Dörd bankın (2,1 faizlik xüsusi çəki ilə) kapitalı beş milyon manatdan 10 milyon manatadək formalaşıb, bir bank isə onun 3,5 milyon manatdan 5 milyon manata qədərini ödəyib.
Bu hesabat dövrü ərzində respublika ərazisində 46 bank fəaliyyətə görə lisenziya alıb. Keçən il isə onların sayı iki bank azalıb. Buna səbəb isə iki bankdan lisenziyanın geri alınması olub. Bunlardan biri artıq uzun müddət fəaliyyət göstərməyən Poctbank və kapitallaşma tələbini yerinə yetirməməsi səbəbindən bağlanan Atlantbank olub. "Naxçıvanbank" ASC və Azfinans Bank-ın fəaliyyətinə icazə verilib.
Hazırda ölkədə xarici kapitalın iştirakı ilə 23 bank fəaliyyət göstərir. Onlardan yeddisinin xarici kapitalının xüsusi çəkisi 50 faizlə 100 faiz arasında, 14 bankda isə 50 faizədək formalaşıb. Həmçinin xarici bankların iki yerli filialı fəaliyyət göstərir.
Doqquz bank strukturu xaricdə fəaliyyət göstərir, bunlardan 6-sı nümayəndəlik, ikisi törəmə bank və biri filialdır. Azərbaycanda həmçinin xarici bankların 4 nümayəndəliyi fəaliyyət göstərir.
Oktyabrın 01-nə olan rəsmi məzənnə 0,8034 AZN/USD təşkil edir.
Məqalə müəllifi ilə əlaqə ünvanı: [email protected]