Gürcüstan, Tbilisi, 02 oktyabr / Trend , müxbir N.Kirsxaliya/
Gürcüstan sərhəd polisinin verdiyi məlumata əsasən, ölkənin sahil mühafizə xidməti Batumi limanında dəniz akvatoriyasını çirkləndirdiyinə görə Honkonq bayrağı altında üzən bir tankeri saxlayıb. OVERSEAS SEXTANS tankeri Qara dənizin mühafizəsi üzrə konvensiyanın inspektorları ilə birlikdə keçirilən əməliyyat nəticəsində saxlanılıb.
Faktla bağlı inzibati icraat işləri aparılır.
Gürcüstan İcraat Məcəlləsinə əsasən (582-ci maddə), Honkonq tankeri ölkə büdcəsinə 65 min lari həcmində (təxminən 40 min dollar) cərimə ödəməlidir.
