Azərbaycan, Bakı, 06 oktyabr / Trend , müxbir N.İsmayılova/
Dövlət Sosial Müdafiə Fondundan çərşənbə axşamı verilən məlumata görə, 2009-cu il oktyabrın 1-nə Azərbaycanda 1 110 962 nəfər təqaüdünü plastik kartlar vasitəsilə alır.
Cari ilin doqquz ayı ərzində plastik kart sahiblərinin sayı 43 391 nəfərə çatıb. Oktyabrın 1-nə olan məlumata görə, əhalinin 96,8 faizi və ya 1 100 962 nəfər təqaüdlərini plastik kartlar vasitəsilə alır.
İlin əvvəli ilə müqayisədə kənd yerlərində yaşayan və təqaüdünü plastik kartlar vasitəsilə alan təqaüdçülərin sayı 4,8 faiz çoxalıb. Əgər yanvarın 1-nə kənddə yaşayan təqaüdçülərin sayı 88,9 faiz idisə, hazırda bu göstərici 94,7 faiz təşkil edir. Şəhərlərdə isə təqaüdlərin 100 faizi plastik kartlar vasitəsilə verilir.
"2009-2015-ci illərdə Azərbaycan Respublikasında sığorta-pensiya sisteminin inkişafına dair Dövlət Proqramı" çərçivəsində əhaliyə təqaüdlərin verilmə prosesinin təkmilləşdirilməsi nəzərdə tutulur. Proqram bankomat və POS terminalların quraşdırılması, çoxfunksiyalı kartlardan istifadə, digər ölkələrin təcrübələri əsasında dağ kəndlərində də təqaüdlərin verilməsinin avtomatlaşdırılmasını əhatə edir.
Məqalə müəllifi ilə əlaəq ünvanı: [email protected]
