Azərbaycan, Bakı, 13 oktyabr / Trend , müxbir E.İsmayılov/
Yaxın günlərdə hökumət "Azərbaycan dəmir Yolları" QSC-nin inkişafı üzrə dövlət proqramı layihəsini Azərbaycanın Prezident Administrasiyasına təqdim edəcək, Azərbaycanın nəqliyyat naziri Ziya Məmmədov çərşənbə axşamı deyib.
Məmmədov deyib ki, bir qədər əvvəl proqram layihəsi son rəyin alınması üçün hökumətə təqdim edilib.
"2009-2013-cü illər üzrə proqram bir milyard manat məbləğində dəyərləndirilir", - Məmmədov deyib.
Proqram dəmir yollarının sürətli inkişafını, vaqon və lokomativ parklarının yenilənməsini, yolların əsaslı təmirini, elektik təchizatını, siqnalizasiya, rabitə və digər təsərrüfatların sistemini, dəyişən cərəyandan daimi cərəyana keçidi, yüksəksürətli sərnişin qatarlarının istismara verilməsini, texniki vəsaitin modernləşdirilməsini nəzərdə tutur. Dəmir yollarının imkanlarından tam istifadə etmək üçün effektli nəqliyyat siyasəti yürütmək, sərhədyanı infrastrukturun inkişafını, gömrük qanunvericiliyini təkmilləşdirmək, müasir texnoloigiya tətbiq etmək lazımdır .
"Bu sənədin təsdiqindən sonra işlər daha da sürətlənəcək", - bir müddət əvvəl "Azərbaycan dəmir yolları" ASC-nin başçısı Arif Əsgərov Trend agentliyinə verdiyi müsahibədə deyib.
Bu işlər yük hərəkətinin artırılmasını, sərnişinlərin hərəkəti üçün şərait yaradılmasını, hərəkət sürətinin artırılmasını, təhlükəsizliyin və yüklərin öz vaxtında çatdırılmasını təmin edəcək. Yenidənqurma işləri həmçinin Şimal-Cənub, Şərq-Qərb istiqamətində yük hərəkətini və yüklərin öz vaxtında daşınmasını təmin edəcək.
Məqalə müəllifi ilə əlaqə ünvanı: [email protected]