Azərbaycan, Bakı, 15 oktyabr / Trend , müxbir Ü.İsmayılova/
Bakı Rieltorları Assosiasiyasının üzvlərinin sayı 2008-ci ilin sonundan 2009-cu ilin payızına kimi 3-dən 53-ə kimi artıb, bu barədə cümə axşamı Assosiasiyanın prezidenti Vəfadar Axundov bildirib. "Hazırda Assosiasiyanın üzvləri 13 hüquqi şəxs, 40 fiziki şəxsdir", - Axundov bildirib.
Onun sözlərinə əsasən, hüquqi şəxslər üçün üzvlük haqqı 300 manat, fiziki şəxslər üçün isə 100 manat təşkil edir.
"Assosiasiyanın tərkibinə əlavə üzvlərin cəlb edilməsi bizim üçün prioritet hesab olunur", - Axundov bildirib.
Assosiasiya prezidenti qeyd edib ki, Assosiasiyanın üzvlərinin sayının artması nəticəsində bazar haqqında məlumat almaq daha asan olacaq ki, bu da planlaşdırılan elektron məlumat bazasının yaradıılmasına imkan verəcək.
BRA-nın təsisçiləri "MBA Group" şirkəti, "New Europe" və "Baki Emlak" rieltor şirkətləridir. 2008-ci ilin oktyabrında assosiasiya Azərbaycan Ədliyyə Nazirliyində qeydiyyatdan keçib.
Assosiasiyanın əsas məqsədləri Azərbaycanda rieltor fəaliyyətinin standartlarının müəyyənləşdirilməsi, xüsusi peşəkar hazırlıq mərkəzinin yaradılması, həmçinin rieltorların sertifikasiya sisteminin tətbiqidir.
Məqalə müəllifi ilə əlaqə ünvanı: [email protected]