Azərbaycan, Bakı, 29 oktyabr / Trend , müxbir E.İsmayılov/
İlin sonunadək Gəncə avtomobil zavodu Minsk traktor zavodu ilə bağladığı müqavilə çərçivəsində 650 traktor yığacaq. Bu barədə cümə axşamı Gəncə avtomobil zavodunun direktoru Xanlar Fətiyev məlumat verib.
"İlin sonuna qədər Belarus istehsalı olan 650 traktor komplekti yığılacaq", - Fətiyev deyib.
Onun sözlərinə görə, yaxın zamanlarda MAZ avtomobil bazasında 25 tonluq kranların istehsalına başlamaq nəzərdə tutulur.
Bu gün Gəncə avtomobil zavodu daxili bazarın tələbatına görə öz gücünə Minsk traktor zavodunun məhsullarını yığır.
Azərbaycanda Minsk istehsalı olan yük avtomobilləri və traktorların yığılması və satılması barədə müqavilə 2006-cı ilin noyabrında Minskdə imzalanıb.
Yığılma 15 min kvadratmetrlik sahədə həyata keçirilir.
Gəncə Azərbaycanın qərbində, Bakının 265 kilometrliyində yerləşir.
Məqalə müəllifi ilə əlaqə ünvanı: [email protected]