Azərbaycan, Bakı, 06 noyabr / Trend , müxbir N.İsmayılova/
2009-cu ilin sentyabr ayı ərzində Azərbaycanın bank sektorunun kapitallaşması 1,7 faiz, ilin əvvəli ilə müqayisədə isə 14,5 faiz artaraq oktyabrın 1-nə 1952,3 milyon manat olub. Bu barədə cümə günü Azərbaycan Mərkəzi Bankından məlumat verilib.
Mərkəzi Bankın statistik məlumatlarına görə, 2009-cu ilin sonunda 41 bankın müştərək kapitalı 10 milyon manatdan artıq olub. İlin əvvəlində bu bankların sayı 43 olub. Müvafiq olaraq, bu kateqoriyadan olan bankların müştərək kapital həcmində xüsusi çəkisi 98,6 faizdən 97,7 faizə enib.
Dörd bankın (2 faizlik xüsusi çəki ilə) kaptalı 5-10 milyon manat arasında formalaşıb. İlin əvvəlində onların sayı iki olub. Banklardan biri (0,3%) ilin əvvəlində olduğu kimi, 3,5 - 5 milyon manat arasında müştərək kapitalı ödəyib.
Noyabrın 06-na olan rəsmi məzənnə 0,8031 AZN/USD təşkil edir.
Məqalə müəllifi ilə əlaqə ünvanı: [email protected]
