Azərbaycan, Bakı, 24 noyabr / Trend , müxbir N.İsmayılova/
Azərbaycanda VISA International ödəmə sisteminin nümayəndəliyinin açılması məsələsi ölkədə şirkətin biznesinin inkişafından asılıdır. Bu barədə VISA-nın MDB ölkələri üzrə regional meneceri Aleksandr Kalita çərşənbə axşamı deyib.
"Hər şey Azərbaycanda ödəmə sistemi müştərilərinin sayından və onların hesabında nağd olmayan vəsaitlərin dövriyyəsindən asılıdır", - Kalita deyib.
Onun sözlərinə görə, Azərbaycan çox yüksək sürətlə inkişaf edir və bu gün ÜDM-in artım sürətinə görə regionda liderdir ki, bu da ölkədə nümayəndəliyin açılması imkanına baxılması zamanı müsbət perspektivlər verir.
Əvvəllər VISA-nın MDB ölkələri üzrə regional menecer vəzifəsini icra edən VISA International-ın Ukraynadakı nümayəndəliyinin rəhbəri Svetlana Qeorbalidzenin sözlərinə görə, əgər əvvəllər Azərbaycanda fəaliyyətin tətbiqi izrə ödəmə sistemi departamenti bir neçə nəfərdən ibarət idisə, indi o genişlənib və bura müxtərlif sahələrin mütəxəssisləri daxildir.
Hazırda Azərbaycanda VISA əməliyyatları Moskvada yerləşən ödəmə sisteminin regional ofisi üzərindən tənzimlənir.
Azərbaycanda VISA strategiyası debet portfelinin aktivləşdirilməsi, ekvayrinqin inkişafı, ticari kartlar, kart platformasında yeni texnologiyalar və milli mədəniyyətə dəstək kimi sahələrə istiqamətlənib.
2008-ci il 31 dekabra olan məlumata görə, 2007-ci ilin analoji dövrü ilə müqayisədə Azərbaycanda VISA plastik kartlarının sayı 27%, ödəmələrin həcmi 37%, ticari şəbəkədə tranzaksiyaların sayı 108%, tranzaksiyaların ümumi həcmi 76%, ticari nöqtələrin sayı 35%, VISA bankomatlarının sayı 19%, kartların qəbulu nöqtələrinin ümumi sayı isə 22% artıb.
Hazırda VISA International Azərbaycanın 30 bankı ilə əməkdaşlıq edir.
Məqalə müəllifi ilə əlaqə ünvanı: [email protected]