Azərbaycan, Bakı, 26 noyabr / Trend /
Azərbaycan Respublikasının Qiymətli Kağızlar üzrə Dövlət Komitəsi "VTB Bank (Azərbaycan)" ASC-nin sadə adlı sənədsiz səhmlərinin emissiyaları layihəsini qeydiyyatdan keçirib. Bu barədə Bakı Fond Birjasının məlumatında deyilir.
Emissiyaların həcmi 16 milyon manat təşkil edir. Qiymətli kağızların sayı, hər birinin nominal dəyəri 0,2 manat olmaqla 80 milyon ədəddir. Səhmlərin yerləşdirilmə anderrayteri "Brokdil-Az" MMC-dir.
Noyabrın 1-nə VTB Bank Azərbaycan-ın aktivləri 16,06 milyon manat, nizamnamə kapitalı isə 7,815 milyon manat təşkil edib.
Bu gün, VTB Bank (Azərbaycan) MMC-nin səhmlərinin 51 faizi Rusiyanın VTB Bank MMC-ə, 49 faiz isə Azərbaycan Respublikası rezidentlərinə məxsusudr.
VTB qrupu Azərbaycan bazarına 2008-ci ilin sonu daxil olub. "VTB-Azərbaycan" ASC-yə bank lisenziyasını Azərbaycan Mərkəzi Bankı 2009-cu il martın 11-də verib.
VTB qrupu Rusiyanın, Rusiyada və MDB ölkələrində ən zəngin iş təcrübəsinə malik aparıcı, o cümlədən dünyanın 20-dən çox ölkəsində iştirak edən maliyyə qruplarından biridir. VTB-nin əsas səhmdarı 85,5 faiz hissəyə malik olan RF hökumətidir. Bankın nizamnamə kapitalında digər səhmdarların hissələri 14,4 faiz, o cümlədən qlobal depozitar qəbzlərin sahiblərinin hissələri isə 7,01 faiz təşkil edir.
VTB Rusiya və bəzi digər MBD ölkələri və bir sıra Qərbi Avropa, Asiya və Afrika ölkələrində korporativ, pərakəndə və investisiya bank xidmətləri təqdim edir. 2009-cu il 30 iyun tarixində VTB qrupu Rusiyada aktivlərə (3 637,3 milyard rubl) və müştəri vəsaitinə (1 561,8 milyard rubl) görə ikinci ən iri maliyyə qrupu olub. Qrup Rusiyanın ən iri pərakəndə banklarının üçlüyünə daxildir və bunun sayəsində VTB-nin regional şəbəkəsi Rusiya, MDB və Avropadakı 966 satış məntəqəsinə malikdir.
2008-ci ildə VTB-nin Moskva, London, Sinqapur və Dubaydakı ofislərində öz əməliyyatlarını həyata keçirən invstisiya biznesinin əsası qoyulub.
Noyabrın 26-na olan rəsmi məzənnə 0,8024 AZN/USD təşkil edir.
Məqalə müəllifi ilə əlaqə ünvanı: [email protected]