Azərbaycan, Bakı, 19 yanvar / Trend , müxbir N.İsmayılova/
2009-cu il ərzində Azərbaycanın ÜDM-i 2008-ci ilin müvafiq göstəricisi ilə müqayisədə 9,3 faiz artıb. Bu barədə çərşənbə axşamı Dövlət Statistika Komitəsindən məlumat verilib. Cari qiymətlərdə ÜDM göstəricisi 34,6 milyard manat təşkil edib. Ölkədə adambaşına düşən ÜDM-in həcmi 7,9 faiz artaraq 3917,3 manat (4874,1 dollar) təşkil edib.
İqtisadiyyatın bütün sahələrində məhsul istehsalının ümumi həcmi 10 faiz yaxşılaşaraq ÜDM-in 64,1 faizini təşkil edib. ÜDM-də 50 faizlik (17,283 milyard manat) əsas hissə sənayenin payına düşür. Xidmət sahəsində əlavə dəyər istehsalı ötən ilin müvafiq dövrü ilə müqayisədə 9,1 faiz artıb.
Yanvar-avqust ayları ərzində kənd təsərrüfatı, ovçuluq və meşəçilikdə 2,32 milyard manatlıq əlavə dəyər istehsal olunub ki, bu da ümumi ÜDM-in 6,7 faizini təşkil edir. Tikinti sektorunda 2,56 milyard manat (7,4 faiz), rabitə və poçt xidmətləri sektorunda 684,2 milyon manat (2 faiz), topdan və pərakəndə ticarət, avtomobil sahəsində, məişət məhsulları və şəxsi istifadə əşyalarının təmiri üzrə xidmət sahələrində 2,42 milyard manat (7 faiz), restoran və mehmanxana sahəsində 354,2 milyon manat (1 faiz), sosial və digər xidmətlərin göstərilməsində 4,05 milyon manat (11,7 faiz) əlavə dəyər istehsal olunub.
Yanvarın 19-na olan rəsmi məzənnə 0,8030 AZN/USD təşkil edir.