Azərbaycan, Bakı, 21 yanvar / Trend , müxbir E.İsmayılov/
Avropa-Qafqaz-Asiya nəqliyyat dəhlizi (TRACECA) çərçivəsində yanvarın 26-da Bakıda Azərbaycan və Qazaxıstanın işçi qruplarının görüşü olacaq. Bu barədə cümə axşamı TRACECA-nın Azərbaycan üzrə milli katibi Akif Mustafayev deyib.
Mustafayev bir müddət əvvəl deyib ki, yanvarın sonunda Gürcüstanın və ola bilsin ki, Türkmənistanın işçi qrupları ilə görüş keçiriləcək.
"Qazaxıstanın işçi qrupu ilə görüş yanvarın 26-da keçiriləcək. Gürcüstan və Türkmənistanın işçi qrupları ilə görüşün vaxtı isə hələlik müəyyən edilməyib", - Mustafayev qeyd edib.
Onun sözlərinə görə, görüşlər çərçivəsində dəhliz və onun vəziyyəti, o cümlədən tarif məsələləri, sərhədlərin kəşişməsi və digər məsələ və problemlərin müzakirə edilməsi planlaşdırılır.
İşçi qruplarının iclasında Azərbaycan tərəfdən Nəqliyyat Nazirliyi, Dəmir Yolları, Xəzər Dəniz Gəmiçiliyi, eləcə də Gömrük Komitəsinin nümayəndələri iştirak edəcəklər.
