Azərbaycan, Bakı, 18 fevral / Trend , müxbir N.İsmaylova/
Böyük Britaniya Azərbaycanda investisiyaların həcminə görə lider mövqeyini qoruyub saxlayıb. Xarici investisiyaların ümumi həcmində Britaniyanın payı 60,5 faiz təşkil edib. Bu barədə Dövlət Statistika Komitəsindən deyilib. Britaniya investisiyaları 132,3 milyon manat təşkil edib.
Yanvar ayı ərzində xarici ölkələrin və beynəlxalq investisiya təşkilatlarının Azərbaycan iqtisadiyyatına qoyduğu investisiyanın 92,6 faizi (220,5 milyon manat) Böyük Britanıya, ABŞ, Yaponiya, Norveç, Koreya və Türkiyədən olan investorların payına düşüb.
Amerika investisiyası 28,77 milyon manat (ümumi çəkinin 13,2 faizi), Yaponiya 15,4 milyon manat (7,1 faiz), Norveç 9,85 milyon manat (4,5 faiz), Fransa 71 min manat , Türkiyə 7,95 milyon manat (3,6 faiz), Koreya 8,17 milyon manat (3,7 faiz), BƏƏ 390,6 min manat (0,2 faiz), Səudiyyə Ərəbistanı 827,2 min manat (0,4 faiz), Avstriya 260,1 min manat (0,1 faiz) təşkil edib.
Beynəlxalq Maliyyə İnstitutlarından ən böyük həcmli investisiyanı Dünya Bankı yatırıb - 12,26 milyon manat (ümumi çəkinin 5,6 faizi). Azərbaycanda layihələrin reallaşdırılması üçün Asiya İnkişaf Bankı 29,91 milyon manat (2,3 faiz), Avropa Yenidənqurma və İnkişaf Bankı 1,62 milyon manat (0,8 faiz), İslam İnkişaf Bankı 671,8 min manat (0,3 faiz) yönəldib.
Fevralın 18-nə olan rəsmi məzənnə 0,8034 AZN/USD təşkil edir.
Məqalə müəllifi ilə əlaqə ünvanı: [email protected]
