Azərbaycan, Bakı, 03 mart / Trend /
Rusiya İranda rels istehsalı zavodunun tikilməsi üzrə hazırlıq işləri aparır. Bu barədə İranın nəqliyyat nazirinin proqramlaşdırma üzrə müavini Məcid Əsədi bildirib. Məlumatı IRINN telekanalı yayıb.
Əsədinin sözlərinə görə, bu zavodun tikintisinə dair müqavilə yükdaşımaları sahəsində əməkdaşlıq üzrə Rusiya-İran iclasında imzalanıb.
İran və Rusiya həmçinin Həştərxan və Olya limanlarında buzqıran gəmilərin sayının artırılmasına dair razılıq əldə ediblər.
Əsədinin sözlərinə görə, tərəflər arasında Həştərxan limanında gəmilərin dayandığı yerlərin şəraitinin yaxşılaşdırılması ilə əlaqədar razılıq da əldə olunub.
