Gürcüstan, Tbilisi, 11 mart / Trend , müxbir N.Kirsxaliya/
2010-cu ilin yanvarında Azərbaycan Gürcüstanın ticarət tərəfdaşları arasında ikinci yeri tutub.
Hesabat dövrü ərzində Azərbaycanın Gürcüstan ilə ticarət dövriyyəsi 43,1 milyon dollar (ümumi dövriyyənin 11,2%-i) təşkil edib. Bu barədə Gürcüstanın Dövlət Statistika Komitəsi məlumat verir. Gürcüstandan Azərbaycana ixrac 15 milyon dollar (ümumi ixracın 14,1%-i) təşkil edib.
Gürcüstandan Azərbaycana ixrac edilən əsas məhsullar: minik avtomobilləri - 56%, sement 8,8%, iribuynuzlu mal-qara - 7,2%, digər məhsullar - 28%.
Gürcüstana Azərbaycandan idxal 28,1 milyon dollar (ümumi idxalın 10,1%-i) təşkil edib. İdxal edilən məhsulların 44%-ni neft və neft məhsulları, 43,8%-ni qaz, 1%-ni günəbaxan yağı və 11,2%-ni digər məhsullar təşkil edib.