Azərbaycan, Bakı, 15 aprel /Trend, müxbir N.İsmayılova/
Bu gün VTB Bankın Azərbaycandakı fəaliyyətinin prioriteti ölkə iqtisadiyatının real sektorunun kreditləşməsinin genişləndirilməsidir. Bu barədə bankın böyük vitse-prezidenti Aleksey Yeroşkin cümə axşamı Bakıda deyib.
"Biz kredit portfelinin həcminin 10 dəfə artacağını gözləyirik. Bununla portfel öz volatilliyini saxlayır, yəni bank həm iri kreditlər verməyi, həm də orta və kiçik sahibkarlığı kreditləşdirməyi nəzərdən keçirir", - Yeroşkin deyib.
"Biz ümid edirik ki, bankın bu sahədəki fəaliyyəti Azərbaycan iqtisadiyyatının sahələrinin geniş spektrinin inkişafına yardım edəcək", - o deyib.
Onun sözlərinə görə, bank əhali əmanətlərinin 3,5 dəfə, fiziki şəxslərə verilən kreditlərin həcminin isə 10 dəfə artacağını gözləyir.
"VTB Bank iri əsas layihələrdə iştirak etməklə yanaşı, həmçinin Azərbaycan İpoteka Fondu və Sahibkarlığa Kömək Milli Fondunun xətti ilə kreditləşmə kimi dövlət sosial proqramlarına dəstək göstərmək niyyətindədir", - Yeroşkin deyib.
VTB Bank cari ilin sonuna kimi kredit portfelini 53 milyon manatadək, aktivləri 70 milyon manatadək, şəxsi kapitalını isə 40 milyon manatadək artırmağı planlaşdırır.
