Azərbaycan, Bakı, 30 aprel /Trend, müxbir Ü.İsmayılova/
Payızda Bakıda Regonal Alyansın III konfransının keçirilməsi planlaşdırılır. Həmin konfransa əməyin mühafizəsi sahəsində Azərbaycan, Moldova, Ukrayna və Şərqi Avropa ölkələri qatılacaq. Bu barədə Azərbaycan Əmək və Əhalinin Sosial Müdafiəsi Nazirliyinin Beynəlxalq əməkdaşlıq şöbəsinin rəhbəri Elnur Sultanov deyib.
"Hazırda nazirlik beynəlxalq konfransın keçirilməsinə hazırlıq işləri aparır", - Sultanov deyib.
Onun sözlərinə görə, konfrans zamanı əməyin mühafizəsi sahəsindəki problemlər, təlim istiqamətində ölkələr arasındakı əlaqələrin inkişafı, həmçinin mütəxəssis mübadiləsi məsələsi müzakirə ediləcək.
