Azərbaycan, Bakı, 23 iyun /Trend, müxbir Ü.İsmayılova/
Mayda inşaat materialları bazarında alıcı qıtlığının yaranması, mövsümə xas olmayan passivlik müşahidə edilib. Bu barədə "Əmlak Bazarı İştirakçıları" İctimai Birliyinin çərşənbə günü yayılan məlumatında deyilir.
"Dərnəgül bazarı" kimi tanınan inşaat materialları bazarında az sayda olsa da, bəzi sahibkarlar icarə yerlərini boşaldıblar", - məlumatda deyilir.
Məlumata görə, bəzi sahibkarların bazardan getməsinin səbəbi bir çox tikinti materiallarının qiymətlərinin nisbi ucuzlaşmasıdır.
Mayda tikinti materialları bazarının əsas çəkisini təşkil edən 38 adda, 89 növdə inşaat materialarının qiyməti birlik ekspertləri tərəfindən araşdırılıb. Monitorinq üzrə yerli bazarda istehsal olunan məhsulların ümumi bazardakı həcmi 53,9% təşkil edib.
Bakıda may ayında inşaat materiallarının qiyməti aprellə müqayisədə 0,9 faiz aşağı düşüb.
Tikinti materiallarının 11 növü üzrə qiymət artımı, 11-i üzrə isə qiymət azalması baş verib. Digər tikinti materialları üzrə qiymətlər stabil qalıb.
Yerli tikinti materiallarından tikinti torpağı, şebel və digər materiallar bahalaşıb. Bunun səbəbi respublikanın Aran zonasında baş verən təbii fəlakətdir. Tikinti materiallarının qiymətinin artmasına digər səbəblərdən biri də ağır tonnajlı maşınlara məhdudiyyətin qoyulması olub.
Artım müşahidə edilən materialların siyahısı aşağıdakı kimi olub:
|
Kərpic (Bakı, İran) |
+17,86 |
Mismar (Rusiya) |
+8,82 |
|
Qum (Bakı) |
+30,23 |
Otsep |
+37,50 |
|
Çınqıl (Bakı) |
+7,14 |
Peneplast |
+14,29 |
|
Taxta (Rusiya) |
+2,50 |
Şüşə-pambıq |
+5,00 |
|
Künyə (Bakı) |
+1,73 |
Katinka |
+2,86 |
|
Boru (Rusiya) |
+3,21 |
||
Qiymət azalması baş verən məhsullar aşağıdakılardır:
|
Armatur (Elektroştamp) |
- 1,49 |
Plastik boru (Bakı) |
-12,63 |
|
Şveller (Bakı) |
- 1,24 |
Zamaska (Türkiyə) |
-0,91 |
|
Dəmir təbəqə (Ukrayna) |
-6,45 |
Laminat-parket (Rusiya, Almaniya) |
-6,38 |
|
Sink təbəqə (Rusiya) |
-2,13 |
Bitum |
-20,00 |
|
Dam örtüyü (Koreya) |
-2,26 |
Asma tavan |
-12,50 |
|
Şüşə (Rusiya) |
-0,53 |