Türkmənistan, Aşqabad, 28 iyun /Trend, müxbir H.Həsənov/
Biz Avazın qurulması üzrə birgə işə kömək etməyə hazırıq. Bu barədə Türkmənistan-ABŞ işgüzar şuranın direktoru Erik Stüartın Prezident Qurbanqulu Berdiməhəmmədova ünvanladığı məktubda deyilir. O, "qarşılıqlı əməkdaşlığa göstərilən köməyə və sadiqliyə görə" də təşəkkürünü bildirib.
Turizm sənayesi Türkmənistanın strateji planlarında xüsusi yer tutur. Buna misal kimi Avazanı göstərmək olar. O, Türkmənistanın ilk azad iqtisadi zonasıdır. Orada işləyən sərmayədarlara, firma və şirkətlərə vergi və gömrük rüsumu ilə bağlı imtiyazlar təqdim edilir.
İlkin mərhələdə çoxlu sayda sanatoriya-kurort obyektləri, Türkmənbaşı şəhərində yeni beynəlxalq aeroport, qaz turbinləri elektrostansiyası, suvarma və sutəmizləyici qurğular və s. istismara verilib.
Avazada ikinci tikinti mərhələsində akvapark, yaxt-klub, okeanarium, örtülü dağ-xizək kompleksi, velotrek, kazino-siti yaradılmalıdır.
Stüart məktubunda Avazanın perspektivliyini qeyd edərək onu da vurğulayıb ki, Berdiməhəmmədov Aşqabad biznes forumunun işində iştirak edən ABŞ şirkətlərinin rəhbərləri ilə görüşdə "şəxsi marağını" bildirib.
"ABŞ şirkətinin hər bir rəhbəri Türkmənistanla gələcək əməkdaşlıqla bağlı sizinlə görüşü entuziazm və optimizmlə qəbul edib", - məktubda qeyd olunub.
Növbəti biznes forumunun 2011-ci ildə ABŞ-da keçirilməsi planlaşdırılıb.