Türkmənistan, Aşqabad, 12 iyul /Trend, müxbir H.Həsənov/
2010-cu ilin birinci yarısında Türkmənistanda ÜDM ötən ilin eyni dövrü ilə müqayisədə əhəmiyyətli dərəcədə artaraq 120,5% təşkil edib.
Dövlət Statistika Komitəsinin hesabatında deyilir ki, ölkə iqtisadiyyatının bütün sahələri sabit templə inkişaf edib. Tikinti sektorunda artım 186 faiz, nəqliyyat və rabitə sahəsində 141 faiz təşkil edib. Kənd təsərrüfatında bu göstərici 115 faiz səviyyəsində olub.
Türkmənistan Xəzər regionunda təbii qazın əsas ixracatçılarındandır. Yanacağın bu növü Çinə, Rusiyaya və İrana tədarük olunur. Eyni zamanda, ölkə iqtisadiyyatın şaxələndirilməsi kursunu götürüb. Gəlirlərin əsas hissəsi neft emalı və tekstil sənayesindən daxil olmağa başlayıb.