Azərbaycan, Bakı, 15 iyul /Trend, müxbir İ.Xəlilova/
Böyük Britaniya Azərbaycan iqtisadiyyatına yatırılan sərmayələrin həcminə görə, 2010-cu ilin ilk yarımilində liderlik mövqelərini qoruyub-saxlayıb. Onun xarici sərmayələrin həcmində tutduğu yer 46,2 faiz təşkil edib. Bu barədə cümə axşamı Dövlət Statistika Komitəsindən bildiriblər. Böyük Britaniyanın sərmayələri 371,3 milyon manat olub. İl ərzində xarici sərmayələrin həcmi 34,4 faiz artaraq 803,22 milyon manat təşkil edib.
Yanvar-iyunda Azərbaycan iqtisadiyyatına xarici ölkə və beynəlxalq təşkilatların yatırdıqları sərmayələrin 91,5 faizi (735,3 milyon manat) Böyük Britaniya, ABŞ, Yaponiya, Norveç, Türkiyə və Koreya sərmayədarlarının payına düşür.
Ölkəyə yatırılan sərmayələr aşağıdakı kimidir:
Amerika - 165,9 milyon manat (xüsusi çəkisi 20,6 faiz), Yaponiya - 86,89 milyon manat (10,8 faiz), Norveç - 53,8 milyon manat (6,7 faiz), Türkiyə - 42,62 milyon manat (5,3 faiz), Koreya - 14,77 milyon manat (1,9 faiz), Çexiya - 4,24 milyon manat (0,6 faiz), Səudiyyə Ərəbistanı - 2,63 milyon manat (0,3 faiz), Rusiya -1,94 milyon manat (0,2 faiz), Fransa - 1,03 milyon manat (0,1 faiz), Avstriya - 551,8 min manat (0,1 faiz), Birləşmiş Ərəb Əmirlikləri - 390,6 min manat (0,1 faiz) təşkil edib.
Beynəlxalq maliyyə institutları içərisində ilk yarımildə Dünya Bankı tərəfindən xüsusi çəkisi 5,4 faiz olmaqla, 43,006 milyon manat məbləğin vəsait yatırılan sərmayə hesab edilir. Asiya İnkişaf Bankı Azərbaycanda layihələrin həyata keçirilməsinə 11,46 milyon manat (1,4 faiz), İslam İnkişaf Bankı 2,435 milyon manat (0,3 faiz) yönəldib.
İyulun 15-nə cari məzənnə 0,8037 AZN/USD təşkil edir.