Azərbaycan, Bakı, 30 iyul /Trend, müxbir N.İsmayılov/
Azərbaycanda iyunda "bir pəncərə" sistemi vasitəsilə Yaponiyanın "Astellas Pharma" əczaçılıq şirkətinin nümayəndəliyi qeydə alınıb. Bu barədə ölkənin Vergilər Nazirliyinin rəsmi saytında qeyd olunub.
Şirkətin təsisçisi Hollandiyanın "Astellas Pharma Europe B.V" şirkətidir. Təşkilat kommersiya fəaliyyəti üzrə qeydiyyatdan 1 iyun 2010-cu il tarixdə keçib. Şirkətin nümayəndəsi ABŞ vətəndaşı Dejan Jovanoviçdir.
"Astellas Pharma" 1 aprel 2005-ci il tarixdə "Yamanouchi Pharmaceutical Co. LTD" və "Fujisawa Pharmaceutical Co. LTD" şirkətlərinin birləşməsi nəticəsində yaradılan yapon əczaçılıq şirkətidir.
"Astellas Pharma"nın fəaliyyət sahələri - urologiya, immunologiya (transplantasiya), dermotologiya, kardiologiya və infeksion xəstəliklərin müalicəsi üçün istifadə edilən dərman preparatlarının hazırlanmasıdır. Prioritet istiqamətləri - infeksion xəstəliklər, şəkərli diabet, mədə-bağırsaq xəstəlikləri, onkologiya, mərkəzi əsəb sistemi xəstəlikləridir.
