...

Azərbaycan bankı "AccessBank"ın səhmdarları kapitallaşma siyasətinin gücləndirilməsində maraqlıdır

Biznes və iqtisadiyyat xəbərləri Materials 6 Oktyabr 2010 18:04 (UTC +04:00)

Azərbaycan, Bakı, 6 oktyabr /Trend, müxbir N.İsmayılova/

Azərbaycan bankı "AccessBank" kapitalın adekvatlığının yüksək əmsalına baxmayaraq, bundan sonra da kapitallaşma siyasətinin gücləndirilməsinə sadiq qalacaq. Bu barədə bankın baş meneceri Endryu Pospilovski deyib.

"Bu gün bankın çox yüksək kapital adekvatlığı (27 faiz) var ki, bu da Azərbaycan Mərkəzi Bankının normativlərini demək olar 2,5 dəfə ötür. Buna görə də bank nizamnamə kapitalının artırılmasına ehtiyac duymur, lakin təsisçilərin siyasəti ondan ibarətdir ki, bankın əldə etdiyi gəlirin çox hissəsi təkrar kapitallaşmaya yönəlməlidir", - Pospilovski qeyd edib.

Onun sözlərinə görə, nizamnamə kapitalının artması banka gələcəkdə artmağa və inkişaf etməyə imkan verəcək. İndi bankın nizamnamə kapitalı 41,8 milyon manat və ya 52 milyon dollardır. Son dəfə kapitallaşma 2010-cu ilin birinci rübündə olub. Bunun nəticəsində bankın nizamnamə kapitalı 21,8 milyon manatdan çox, yəni iki dəfədən çox artırılıb.

"АccessBank"ın missiyası aşağı və orta gəlirli Azərbaycan ailələrinə, eləcə də mikro və kiçik sahibkarlara maliyyə xidmətləri göstərməkdən ibarətdir. "АccessBank" beynəlxalq "Fitch" reytinq agentliyi tərəfindən Azərbaycan bankları arasında ən etibarlı bank adına layiq görülüb (BB+), həmçinin, "Euromoney" Nəşriyyat Qrupu tərəfindən "2010-cu ildə Azərbaycanın ən yaxşı bankı" kimi tanınıb. "AccessBank" 100% xarici kapitala malikdir və 6 beynəlxalq maliyyə institutuna məxsusdur. Bunlar Avropa Yenidənqurma və İnkişaf Bankı, Beynəlxalq Maliyyə Korporasiyası, Qara dəniz Ticarət və İnkişaf Bankı, Kfw Development Bank - Almaniya Hökumətinin İnkişaf Bankı (hər biri 20%), mikromaliyyələşdirmə sahəsində strateji maliyyəçi rolunda çıxış edən "Access Holding" (16,5%) və Almaniyanın LFS Financial Systems GmbH (3,5%) şirkətləridir.

Xəbər lenti

Xəbər lenti