Azərbaycan, Bakı, 16 oktyabr /Trend, müxbir А.Axundov/
Yanvar-sentyabr aylarında Azərbaycan MDB ölkələrindən 1,423 milyard dollar məbləğində mal idxal edib ki, bu da ölkənin ümumi idxalının 31,33 faizini təşkil edir. Bu barədə şənbə günü Dövlət Gömrük Komitəsindən bildiriblər.
MDB-dən Azərbaycana dənli bitkilər (ümumi idxalın 14,08 faizi), quru nəqliyyat vasitələri (9,69 faiz), avadanlıq və mexaniki qurğular (10,48 faiz), qara metal (7,26 faiz) və başqa mallar gətirilib.
Azərbaycan mallarının MDB-yə idxal məbləği 1,417 milyard dollar (ümumi ixracın 9,05 faizi) olub.
MDB ölkələrinə, əsasən mineral yanacaq, neft məhsulları, bitum mineralları (ümumi ixracın 57,07 faizi), heyvan və bitki yağları (12,34 faiz), gəmi, qayıq və digər üzən vasitələr (9,27 faiz), qənd və qənnadı məmulatları (5,93 faiz) və tərəvəz (2,58 faiz) ixrac edilib.
MDB ölkələri ilə idxal-ixrac əməliyyatları üzrə 6406,6 milyon dollar məbləğində müsbət saldo yaranıb.
Oktyabrın 16-na olan rəsmi məzənnə 0,8015 AZN/USD təşkil edir.