Özbəkistan, Daşkənd, 20 noyabr / Trend, müxbir D.Əzizov /
Özbəkistan Ali Məclisinin qanunvericilik palatası (parlamentin aşağı palatası) 2011-ci ildə iş yerləri yaratmaq və əhalinin məşğulluğunun təmin edilməsi üzrə proqramı təsdiqləyib. Bu barədə şənbə günü parlamentin mətbuat xidmətindən məlumat verilib.
İnformasiyaya görə, proqram 2011-ci ildə 956,2 min yeni iş yerinin yaradılmasını nəzərdə tutur.
Yeni iş yerlərinin kiçik müəssisə və firmaların, özəl sahibkarlığın intensiv inkişafı, evə verilən işlərin, sənətkarlığın, xalq sənətinin və quşçuluq, balıqçılıq, arıçılıq, tərəvəzçilik və digər kənd təsərrüfatı məhsujlalrının istehsalı üzrə ailə sahibkarlığının, fermer təsərrüfatının genişləndirilməsi və möhkəmləndirilməsi hesabına yaradılması planlaşdırılır.
Yerli hakimiyyət proqramı reallaşdırarkən ilk dəfə əmək bazarına çıxan gənclər, ali məktəb və kollec məzaunları üçün külli miqdarda iş yerlərinin yaradılması, eləcə də evdə işləyən işçilərin təhsilinin və yenidən hazırlanmasının təşkili üçün şərait yaratmalıdır.
Xəbər verildiyi kimi, Özbəkistan parflamentinin təsdiqlədiyi 2010-cu ildə əhalinin məşğulluğunun təmin edilməsi proqramında 950 min iş yerinin yaradılması nəzərdə tutulmuşdu.
Rəsmi statistikaya görə, 2010-cu ilin yanvar-sentyabr ayhlarında ümumilikdə respublikada 784,9 min yeni iş yeri yaradılıb ki, onlardan 502,4 mindən çoxu kənd yerlərindədir.
