Azərbaycan, Bakı, 6 dekabr /Trend, müxbir N.İsmayılov/
Oktyabrın 1-nə Azərbaycan iqtisadiyyatının milli valyutada bank kreditləşməsi üzrə orta faiz dərəcəsi 14,06 faiz təşkil edib. Bu göstərici oktyabrın 1-də 14,1 faiz, 2009-cu il noyabrın 1-də isə 16,23 faiz olub. Bu barədə Azərbaycan Mərkəzi Bankın (AMB) məlumatında deyilir.
Xarici valyutada bank kreditləşməsi üzrə orta faiz dərəcəsi müvafiq olaraq 16,21 və 18,35 faizə nisbətdə 16,34 faiz təşkil edib.
Noyabrın əvvəlində hüquqi şəxslərin milli valyutada bank kreditləşməsi üzrə orta faiz dərəcəsi 2009-cu il oktyabrın 1-nə olan 11,77 faiz və noyabrın 1-nə olan 14,4 faizə nisbətdə 11,73 faiz təşkil edib. Korporativ müştərilərin xarici valyutada bank kreditləşməsi üzrə orta faiz dərəcəsi 13,22 faiz olub. Bu göstərici 2009-cu il oktyabrın 1-də 13,16 faiz və noyabrın 1-də 16,06 faiz təşkil edib.
Hesabat dövrü ərzində fiziki şəxslərin milli valyutada bank kreditləşməsi üzrə orta faiz dərəcəsi 19,48 faiz təşkil edib. Bu göstərici 2009-cu il oktyabrın 1-də 19,45 faiz, noyabrın 1-də isə 20,73 faiz olub. Fərdi şəxslərin xarici valyutada bank kreditləşməsi üzrə orta faiz dərəcəsi 22,92 faiz təşkil edib. Bu göstərici müvafiq olaraq 23,01 və 23,93 faiz olub.
