Azərbaycan, Bakı, 13 dekabr /Trend, müxbir N.İsmayılova/
2010-cu ilin yanvar-sentyabr aylarında Azərbaycan iqtisadiyyatına cəlb olunmuş xarici kapitalın ümumi həcmi ötən ilin analoji dövrü ilə müqayisədə 1,4 dəfə artaraq 5,7 milyard dollar təşkil edib. Bu barədə bazar ertəsi Azərbaycan Mərkəzi Bankının yaydığı ödəniş balansında məlumat verilir.
Ölkənin iqtisadiyyatına birbaşa investisiyaların ümumi həcmi 2 274,4 milyon dollar təşkil edib. Bu investisiyaların strukturunda neft-qaz sektorunun xüsusi çəkisi 77,15 faiz təşkil edib. Bu investisiyalar iri neft-qaz layihələrinin, əsasən BP Exploration Ltd. (Şahdəniz layihəsi) və Azərbaycan Beynəlxalq Əməliyyat Şirkətinin "Azəri-Çıraq-Günəşli" yataqlar blokunda gördüyü işlərin maliyyələşdirilməsi ilə əlaqədar ölkə iqtisadiyyatında istifadə olunub.
AMB-nin qiymətləndirməsinə əsasən, neft sektoruna cəlb olunan birbaşa investisiyaların həcmi 519,7 milyon dollar - ölkəyə cəlb olunmuş birbaşa xarici investisiyaların ümumi həcminin 22,85 faizini təşkil edir.
