Azərbaycan, Bakı, 29 dekabr /Trend, müxbir N.İsmayılova/
Azərbaycan iqtisadiyyatının bank kreditləşməsi üzrə orta faiz dərəcəsi dekabrın 1-nə milli valyuta ilə 13,66 faiz təşkil edib. Bu göstərici noyabrın 1-nə 14,06 faiz, 2009-cu il dekabrın 1-nə isə 16,71 faiz təşkil edib. Bu barədə çərşənbə günü Azərbaycan Mərkəzi Bankından (AMB) bildirilib.
Bank kreditləşməsi üzrə orta faiz dərəcəsi SDV (sərbəst dönərli valyuta) ilə 16,43 faiz təşkil edib. Bu rəqəm müvafiq olaraq 16,34 faiz və 16,71 faiz olub.
Hüquqi şəxslərin bank kreditləşməsi üzrə orta faiz dərəcəsi dekabrın əvvəlinə milli valyuta ilə 11,25 faiz təşkil edib. Noyabrın 1-nə göstərici 11,73 faiz, ötən il dekabrın 1-nə isə 12,38 faiz təşkil edib. Korporativ müştərilərin bank kreditləşməsinin orta faiz dərəcəsi SDV ilə dekabrın 1-nə 13,28 faiz təkil edib. Bu rəqəm noyabrın 1-nə 13,22 faiz, 2009-cu il dekabrın 1-nə isə 14,01 faiz təşkil etmişdi.
Hesabat dövrü ərzində fiziki şəxslərin bank kreditləşməsi üzrə orta faiz dərəcəsi milli valyuta ilə 19,28 faiz təşkil edib. Noyabrın 1-nə bu göstərici 19,48 faiz, 2009-cu il dekabrın 1-nə isə 20,42 faiz təşkil etmişdi. Fərdi müştərilərin bank kreditləşməsi üzrə orta faiz dərəcələri SDV ilə 22,84 faiz təşkil edib. Bu rəqəm müvafiq olaraq 22,92 və 23,24 faiz olub.
