Azərbaycan, Bakı, 18 yanvar /Trend, müxbir E.İsmayılov/
Bu ilin sonunadək Bakı Metropoliteni "Məşədi Əzizbəyov" stansiyasında yenidənqurma və modernləşdirmə işlərini başa çatdırmağı planlaşdırır. Bu barədə çərşənbə axşamı Bakı Metropolitenindəki mənbə bildirib.
Mənbənin dediyi kimi, işlər nəticəsində çıxışın yeri dəyişdiriləcək. "Hazırda tikinti işləri aparılır. Bu işlərin tam olaraq bu ilin sonunda başa çatdırılması planlaşdırılır", - mənbə deyib.
Metronun "Məşədi Əzizbəyov" stansiyası 1972-ci ilin noyabrında açılıb.
Stansiyasına giriş 26 metr hündürlükdə şüşə piramida formasında olacaq. Yenidənqurmaya ölkənin dövlət büdcəsindən altı milyon manat vəsait ayrılıb.
Bakı Metropoliteni 1967-ci ildən fəaliyyət göstərir və 22 stansiyaya malikdir.