Azərbaycan, Bakı, 18 fevral /Trend, müxbir Ü.İsmayılova/
"AXA MBASK" Azərbaycan-Fransa sığorta şirkətinin səhmdarları şirkətin idarə heyətinin sədri vəzifəsinə Yavuz Olkeni (Türkiyə vətəndaşı), idarə heyətini üzvü və maliyyə direktoru vəzifəsinə isə Səlcuq Adıgözəli təyin ediblər. Bu barədə cümə günü şirkətdən məlumat verilib.
İdarə heyətinin tərkibində dəyişiklik hələ ötən ilin oktyabrında Fransanın AXA şirkətinin Azərbaycanın sığorta şirkəti səhmdarlarının tərkibinə daxil olanda baş verib. Lakin Azərbaycan qanunvericiliyinin tələblərinə uyğun olaraq şirkətlərdəki rəhbər vəzifələrə bütün namizədlər Maliyyə Nazirliyi yanında Dövlət Sığorta Nəzarəti Xidmətində attestasiyadan keçməli idi. "AXA MBASK"dakı hər iki vəzifəli şəxs yanvarın 28-də attestasiyadan keçib.
Yavuz Olken ali təhsillidir və sığorta sahəsində 18 il əmək stajına malikdir, 2002-ci ildən "AXA Sigorta" şirkətinin idarə heyətinin üzvü vəzifəsini tutur. Səlcuq Adıgözəl ali təhsillidir və sığorta sahəsində 12 il əmək stajına malikdir, 2006-cı ildən "AXA Sigorta" şirkətinin sığorta departamentinin maliyyə direktoru vəzifəsində çalışıb.
MBASK Azərbaycanın sığorta bazarında 1992-ci ildən fəaliyyət göstərir.
Fransanın AXA şirkəti Azərbaycanın iri sığorta şirkəti MBASK-ın səhmdarları tərkibinə daxil olub. Şirkətin nəzarət səhm paketini qovluğunu (51 faiz) "AXA Group" (Fransa) özünün törəmə şirkəti olan "AXA Sequros generales S.A, De Sequros Y Reasequros" (İspaniya) şirkətinin vasitəsilə satın alıb. 49 faizə bərabər olan yerdə qalan pay isə Eldar Qəribova məxsusdur.
Şirkət 29 növdə sığorta xidməti göstərir, onlardan dördü icbaridir.
"AXA Group" maliyyə mühafizəsi sahəsində dünya üzrə liderdir. "АХА Group" öz fəaliyyətini bütün dünya üzrə 57 ölkədə, daha çox Avropada, Şimali Amerikada və Asiya-Sakit Okean regionunda cəmləşdirməklə həyata keçirir.