Azərbaycan, Bakı, 4 mart /Trend, müxbir Ü.İsmayılova/
Azərbaycanda MDB ölkələri standartlarının və Avropa tikinti standartlarının (Euro Code) paralel tətbiqi məsələsi müzakirə edilir. Bu barədə Azərbaycanın Dövlət Şəhərsalma və Arxitektura Komitəsinin sədr müavini Dövlətxan Dövlətxanov deyib.
"Hazırda dövlət komitəsi tərəfindən həm MDB ölkələri, həm də bəzi Avropa ölkələri ilə hər iki standartdan istifadə məsələsi ilə bağlı məsləhətləşmələr aparılır", - Dövlətxanov bildirib.
Onun sözlərinə görə, dövlət komitəsi üçün MDB standartında daha aydın şəkildə göstərilən tikintinin təhlükəsizlik aspekti vacibdir. Ümumilikdə bu standartlar bir-birindən bir o qədər də fərlənmir", - Dövlətxanov qeyd edib.
"Euro Code"a keçid müəyyən xərclərin artmasın gətirib çıxara bilər, buna görə də bu prosesə müxtəlif aspektlərdən baxılır", - Dövlətxanov əlavə edib.
"Biz ölkələrdən müsbət rəylər alsaq, Azərbaycanda hər iki standartdan paralel istifadə üçün icazə veriləcək", - Dövlətxanov bildirib.