Azərbaycan, Bakı, 7 mart /Trend, müxbir N.İsmayılova/
Azərbaycan Mərkəzi Bankının məlumatına görə, 2011-ci il yanvarın sonlarında ölkədə 4247 min ədəd ödəniş kartı olub ki, bu da yanvarın əvvəli ilə müqayisədə 0,4 faiz, il ərzindəkindən isə 5,7 faiz çoxdur.
Hesabat dövründə debet kartlar üzrə əməliyyatların ümumi sayı 3170 ədəd təşkil edib. Debet kartlar üzrə əməliyyatlar 387 milyon manat səviyyəsində olub.
Debet kartlar üzrə əməliyyatların ümumi sayından bankomatlar vasitəsilə 365 milyon manat məbləğində 3027 min, POS-terminallar vasitəsilə 21 milyon manat məbləğində 81 min əməliyyat yerinə yetirilib.
Yanvarda kredit kartları üzrə ümumi məbləği 58 milyon manat olan 226 min əməliyyat həyata keçirilib.
Kredit kartları üzrə əməliyyatların ümumi sayından bankomatlar vasitəsilə 21 milyon manat məbləğində 81 min, POS-terminallar vasitəsilə 11 milyon manat məbləğində 22 min əməliyyat yerinə yetirilib.
Martın 7-nə olan rəsmi məzənnə 0,7938 AZN/USD təşkil edir.
