Azərbaycan, Bakı, 6 aprel /Trend, müxbir E.İsmayılov/
Azərbaycan dəmiryolunun təhlükəsizlik zonasında 954 qanunsuz tikili dərhal sökülməlidir. Trend-in məlumatına görə, bu barədə çərşənbə günü QSC-nin mətbuat xidmətinin rəhbəri Nadir Əzməmmədov deyib.
Onun sözlərinə görə, Azərbaycan Nəqliyyat Nazirliyinin komissiyasının qərarına əsasən, dəmiryolun təhlükəsizlik zonasında aşkar edilən 2840 qanunsuz tikilidən (2302 yaşayış, 538 qeyri-yaşayış) 954-ü dərhal sökülməlidir.
Sökülməli olan qanunsuz tikilən obyektlərin ümumi sayından 881-i yaşayış, qalan 73-ü isə qeyri-yaşayış evlərinin payına düşür.
Əzməmmədovun sözlərinə görə, Nəqliyyat Nazirliyi artıq hökumətə bu obyektlərin siyahısını təqdim edib və hökumətin qərarına uyğun olaraq tədbirlər görüləcək.
