Azərbaycan, Bakı, 21 may/Trend, müxbir N.İsmayılova/
Azərbaycanın Risk Peşəkarları Assosiasiyası (ARPA) bank və bank olmayan kredit təşkilatları üçün vahid məlumat bazasının yaradılması üzərində işləyir. Bu barədə şənbə günü ARPA rəhbəri Rüfət Mahmud deyib.
"Hazırda bazarda bu seqmentin ətraflı təhlili yoxdur, çünki banklar məlumatın verilməsində maraqlı deyillər. Biz banklara məxfilik əsasında prudensial hesabatlar haqqında olan məlumatları təqdim etməyi təklif edirik. Onların əsasında biz analitik təhlil aparacağıq", - Mahmud bildirib.
Onun sözlərinə görə, indi assosiasiya banklarla danışıqlar və proqram təminatının seçimi mərhələsindədir. İlkin mərhələdə banklar üzrə təhlil aparılacaq, bundan sonra BOKT-ların cəlb edilməsi planlaşdırılır.
Bundan başqa, assosiasiya banklarda menecment riskinin qiymətləndirilməsi imkanını müzakirə edir. Bunun nəticəsində reytinqlərin müəyyənləşdirilməsi mümkün olacaq. Bugünə ARPA artıq belə məhsulu korporativ idarəetmə sisteminin qiymətləndirilməsi kimi təqdim edir.
ARPA-nın yaradılmasında məqsəd ölkənin maliyyə sektorunda risklərin azaldılmasına kömək etməkdir. Assosiasiya ölkənin Mərkəzi Bankı, Risk-Menecment Peşəkarları Qlobal Assosiasiysı (GARP) və IFC ilə əməkdaşlıq edir.
ARPA 2009 -cu ilin mayında yaradılıb.
