Azərbaycan, Bakı, 20 iyul /Trend, müxbir E.İsmayılov/
Xırdalan stansiyası ərazisində bir neçə boş yük vaqonunun relsdən çıxması qatarların hərəkət cədvəlinə təsir etməyib və dəmir yol xəttinə ziyan vurmayıb. Trend-in məlumatına görə, bu barədə çərşənbə günü "Azərbaycan Dəmir Yolları" QSC-nin mətbuat xidmətinin rəhbəri Nadir Əzməmmədov bildirib.
Onun sözlərinə görə, vaqonların relsdən çıxması manevr zamanı baş verib.
"Ən qısa müddətdə bir neçə vaqon relslərin üzərinə qoyuldu və hərəkət davam etdirildi. Baş verən hadisə nəticəsində heç kim xəsarət almayıb və dəmir yoluna ziyan dəyməyib", - Əzməmmədov deyib.