Azərbaycan tütün ixracını 2 dəfədən çox artırıb
Azərbaycan, Bakı, 21 iyul /Trend, müxbir A.Axundov/
İlin birinci yarısında Azərbaycan 5 milyon 516 dollar məbləğində tütün və tütün məmulatları ixrac edib. Bu, ötən ilin analoji dövr göstəricisini 2,03 dəfə ötür və ixracın ümumi həcminin 0,04 faizini təşkil edir. Bu barədə Trend-ə Dövlət Gömrük Komitəsindən məlumat verilib.
Məlumata əsasən, ilk altı ayda Azərbaycanın ixracının çox hissəsi - 85,74 faizi xam neft ixracının payına düşüb. Yanvar-iyunda 11 milyard 225 milyon dollar məbləğində xam neft ixrac olunub. Bu, ötən ilin analoji dövr göstəricisini 27,73 faiz ötür.
Hesabat dövrü ərzində 749,016 milyon dollar məbləğində (il ərzində 20,89 faiz artım) neft məhsulları ixrac edilib. Bu, ölkənin ümumi ixracının 5,72 faizini təşkil edir.
Bundan başqa, 42,572 milyon dollar məbləğində kimya məhsulları (62,07 faiz artım, ümumi ixracda payı 0,33 faiz), 4,345 milyon dollarlıq toxumlardan təmizlənmiş pambıq (93,42 faiz artım, ümumi ixracda payı 0,03 faiz), 107,705 milyon dollar məbləğində qara metallar və onlardan hazırlanan məmulatlar (99,632 faiz artım, ümumi ixracda payı 0,82 faiz), 2,474 milyon dollar məbləğində alümin və ondan hazırlanan məmulatlar (57,85 faiz artım, ümumi ixracda payı 0,02 faiz), 84,85 milyon dollar məbləğində meyvə və tərəvəz (46,88 faiz artım, ümumi ixracda payı 0,65 faiz), 6,858 milyon dollar məbləğində alkoqol və alkoqolsuz içkilər (5,82 faiz azalma, ümumi ixracda payı 0,05 faiz), 103,576 milyon dollar məbləğində bitki yağları və heyvan yağları (3,22 faiz azalma, ümumi ixracda payı 0,79 faiz) ixrac olunub.
İlk altı ayda Azərbaycanın ixrac əməliyyatları 13,092 milyard dollar təşkil edib. Bu, 2010-cu ilin analoji dövr göstəricisi ilə müqayisədə 27,78 faiz çoxdur.
İdxal 4,344 milyad dollar təşkil edib. Bu, 2010-cu ilin analoji dövrü ilə müqayisədə 49,72 faiz çoxdur.
Bu müddət ərzində ölkənin mal dövriyyəsinin ümumi həcmi 17,463 milyard dollar təşkil edib. Bu, ötən ilin analoji dövr göstəricisini 32,62 faiz ötür.
Xarici ticarət əməliyyatlarında 8,747 milyard dollar məbləğində müsbət saldo yaranıb.
