Azərbaycan, Bakı, 15 avqust /Trend, müxbir A.Axundov/
Azərbaycan Beynəlxalq Sığorta Şirkəti 2011-ci ildə 10-12 milyon manat məbləğində sığorta haqqı yığmağı planlaşdırır. Bu barədə Trend-ə şirkətin idarə heyətinin sədri Sadıx Məmmədov deyib.
Azərbaycan Maliyyə Nazirliyi yanında Dövlət Sığorta Nəzarəti Xidmətinin məlumatına görə, 2010-cu ildə şirkətin sığorta haqları 10,18 milyon manat, 2011-ci ilin birinci yarısında 6,16 milyon manat təşkil edib.
"Yeddi ayın yekunlarına görə, artıq 7 milyon manat yığmışıq və ilin sonunadək bu rəqəmin 10-12 milyon manata çatdırılması planlaşdırılır", - Məmmədov qeyd edib.
Onun sözlərinə görə, bu il şirkət nizamnamə kapitalının artırılmasına yönəldilə biləcək gəlirin əldə olunmasına ümid edir.
"Biz təsisçilərə nizamnamə kapitalının artırılması ilə bağlı təkliflə müraciət etmişik, lakin bununla bağlı hələ ki qərar çıxarılmayıb", - Məmmədov əlavə edib.
Azərbaycan Beynəlxalq Bankı tərəfindən yaradılan Beynəlxalq Sığorta Şirkəti nizamnamə kapitalına görə (8,8 milyon manat) Azərbaycanın ən böyük sığorta şirkətlrəindən biridir. Şirkət 5 fevral 2002-ci ildə qeydiyyatdan keçib və 1 aprel 2002-ci ildən lisenziyalaşdırılmış sığorat şirkəti kimi fəaliyyət göstərir. Beynəlxalq Sığorta Şirkəti müştərilərə sığortanın 37 könüllü və icbari növü üzrə xdimətlər göstərir.
Avqustun 15-nə olan rəsmi məzənnə 0,7866 AZN/USD təşkil edir.