Azərbaycan, Bakı, 26 sentyabr /Trend, müxbir E.İsmayılov/
Azərbaycanın Nəqliyyat Nazirliyi ölkənin avtomobil yollarındakı yol nişanlarına artan tələbatı mərhələli şəkildə ödəyir. Bu barədə bazar ertəsi NN-in "Azəryolservis" SC-dəki mənbə bildirib.
Onun sözlərinə görə, yeni yolların tikintisi və köhnələrinin yenidən qurulması üzündən yol nişanlarına tələbat artır və bu tələbat tədricən ödənilir.
Mənbə avtomobil yollarındakı nişanların sayına toxunaraq qeyd edib ki, çatışmayan nişanların sayı beş min ədədə yaxın ola bilər. Onların quraşdırılması üzrə işlər görülür.
"Yeni nişanların quraşdırılması yol layihələrinin reallaşdırılması ilə bağlı aparılır ki, onlar yeni yolların tikintisini və köhnələrinin bərpasını nəzərdə tutur. Yol nişanlarının çatışmazlığı mövcuddur, lakin onların quraşdırılması üçün tədricən işlər aparılır", - SC-dən deyiblər.
Nişanların ümumilikdə on qrupu mövcuddur: Xəbərdarlıq nişanları, üstünlük nişanları, qadağan nişanları, məcburi hərəkət istiqaməti nişanları, məlumatverici-göstərici nişanlar, servis nişanları, əlavə məlumat nişanları (lövhəcikləri), nəqliyyat vasitələrinin tanınma nişanları, yol işlərində istifadə olunan işarələr, yolların nişanlanması.
