...

Dünya Bankı Azərbaycanda su layihələrinin həyata keçirilməsinin icmalını aparır

Biznes və iqtisadiyyat xəbərləri Materials 13 Fevral 2012 18:37 (UTC +04:00)

Trend-i buradan izləyin

Azərbaycan, Bakı, 13 fevral /Trend, müxbir N.İsmayılova/

Azərbaycanda su təchizatı və kanalizasiya sistemlərinin yaxşılaşdırılması üzrə birinci və ikinci milli layihələrin həyata keçirilməsi prosesinin icmalı məqsədilə Dünya Bankının (DB) missiyası Azərbaycana gəlib. Bu barədə bazar ertəsi Trend-ə bankın Bakı nümayəndəliyindən məlumat verilib.

"Tərkibinə layihənin rəhbəri Manuel Marinonun daxil olduğu missiya fevralın 13-dən 17-dək Azərbaycanda olacaq. Missiyanın əsas məqsədi su təchizatı sistemlərinin yaxşılaşdırılması üzrə layihələrin reallaşdırılmasının gedişinin və yenidən strukturlaşdırılmasının icmalı və müzakirəsidir" , - nümayəndəlikdən bildiriblər.

Yenidən strukturlaşdırma alış qaydalarının pozulması faktları ilə əlaqədar aparılır, nəticədə göstərilən xidmətlər üzrə real qiymətlər tenderdə təklif edilən qiymətlərdən yüksək olub. Bununla bağlı birinci layihənin strukturlarına yenidən baxılması və onun həyata keçirilmə müddətinin uzadılması haqqında qərar qəbul edilib.

Layihə çərçivəsində işlər hazırda artıq 22 rayondan dörd rayona qədər azaldılıb və layihə Şamaxı, Qəbələ, Saatlı və Sabirabad rayonlarında su təchizatı və kanalizasiya sistemlərinin tam bərpa edilməsini əhatə edəcək.

İkinci layihə ilə əhatə olunan rayonların sayı 20-dən 8-ə endirilib. Nəticədə layihə Siyəzən, Şabran, Ağsu, İsmayıllı, Masallı, Lerik, Yardımlı və Cəlilabad rayonlarında su təchizatı və kanalizasiya sistemlərinin tam bərpasını əhatə edəcək.

DB birinci su layihəsi üçün 230 milyon dollar ayırıb. Layihənin ümumi dəyəri 310 milyon dollardır. Ölkə hökuməti bu layihənin maliyyələşdirilməsinə 80 milyon dollar ayırıb. 2011-cu ilin sentyabr ayına olan məlumata görə, bankın ayırdığı 230 milyon dollardan 20,3 milyon dollar istifadə olunub, qalan vəsait isə müvafiq olaraq, 209,7 milyon dollar təşkil edib.

Dünya Bankı ikinci layihə üçün Beynəlxalq Yenidənqurma və İnkişaf Bankının (BYİB) xətti ilə 230 milyon dollar və Beynəlxalq İnkişaf Assosiasiyası (BİA) vasitəsilə isə 30 milyon dollar ayırıb. İkinci layihənin ümumi dəyəri 410 milyon dollardır.

Ölkə hökuməti layihənin maliyyəlləşdirilməsinə 150 milyon dollar ayırıb. 2011-ci ilin sentyabr ayına olan məlumata görə, bankın BYİB xətti üzrə ayırdığı 230 milyon dollardan yalnız 7,7 milyon dollar xərclənib, qalan vəsait isə 222,3 milyon dollar təşkil edib. O cümlədən bankın BİA vasitəsilə ayırdığı 30 milyon dollardan yalnız 8,2 milyon dollar xərclənib, qalan vəsait 21,8 milyon dollardır.

Azərbaycan 1992-ci ildən DB-nin üzvüdür. Bankın bu dövr ərzində ölkə qarşısında ümumi öhdəlikləri 43 layihə üzrə təxminən 2,9 milyard dollar təşkil edib.

Xəbər lenti

Xəbər lenti