...

Latviya Azərbaycan ilə iqtisadi münasibətləri genişləndirmək niyyətindədir - XİN rəhbəri

Biznes və iqtisadiyyat xəbərləri Materials 24 Fevral 2012 14:14 (UTC +04:00)
Latviya Azərbaycanla iqtisadi münasibətləri genişləndirmək niyyətindədir.
Latviya Azərbaycan ilə iqtisadi münasibətləri genişləndirmək niyyətindədir - XİN rəhbəri

Azərbaycan, Bakı, 24 fevral /Trend, müxbir S.Ağayeva/

Latviya Azərbaycanla iqtisadi münasibətləri genişləndirmək niyyətindədir. Trend-in məlumatına görə, bu barədə cümə günü Bakıda jurnalistlərə Latviyanın xarici işlər naziri Edqars Rinkeviçs bildirib.

"Bizim iqtisadi münasibətlərimiz olduqca güclüdür. Lakin biz bu münasibətləri daha da genişləndirmək istərdik", - nazir qeyd edib.

Rinkeviçs bildirib ki, Azərbaycanın xarici işlər naziri ilə görüş zamanı əlaqələrin həm ikitərəfli formatda, həm də beynəlxalq səviyyədə perspektivləri müzakirə edilib.

Onun sözlərinə görə, Latviya Azərbaycanı Aİ-yə və NATO-ya inteqrasiyasında dəstəkləyəcək. Danışıqlar zamanı, həmçinin Dağlıq Qarabağ münaqişəsinin nizamlanmasına və İranla bağlı vəziyyətə toxunulub.

Azərbaycanın xarici işlər naziri Elmar Məmmədyarovun sözlərinə görə, iki ölkə arasındakı münasibətlər yüksək səviyyədədir.

O qeyd edib ki, Bakı Riqa ilə həm humanitar, həm də təhsil sahəsində əməkdaşlığı genişləndirməyə hazırdır.

Məmmədyarov, həmçinin latviyalı həmkarına Dağlıq Qarabağ münaqişəsinin nizamlanması üzrə danışıqlar prosesinin gedişatı haqqında məlumat verib.

Xəbər lenti

Xəbər lenti