Azərbaycan, Bakı, 30 iyun /Trend, müxbir Ə.Həsənov/
2012-ci ilin yanvar-may aylarının yekunu üzrə Azərbaycan bankı "AccessBank"ın aktivləri ötən ilin göstəricilərinə nisbətən 7,8 faiz artaraq 420,99 milyon manat təşkil edib. Bu barədə şənbə günü Trend-ə bankdan bildiriblər.
Cari ilin yanvar-may ayları ərzində bankın kredit portfeli 13,9 faiz artaraq 332,52 milyon manat olub. Fiziki şəxslərə verilən kreditlər isə 38,59 milyon manat (26,5 faiz artımla) təşkil edib.
Yanvar-may aylarının yekunu üzrə bankın xərclərinin ümumi məbləği 32,74 milyon manat, gəlirləri 39,2 milyon manat, xalis mənfəəti isə 6,39 milyon manat təşkil edib.
2012-ci il yanvar-may dövrünün yekunları üzrə bankın nizamnamə kapitalı 25,3 faiz artaraq 85 milyon manat təşkil edib, məcmu kapitalı isə 5 faiz artaraq 84,82 milyon manat olub.
Hesabat dövründə aktiv kartların sayı 4,74 faiz artaraq 20 450 ədəd təşkil edib. POS-terminalların sayı 68, bankomatların sayı isə 35 ədəd olub.