Azərbaycan, Bakı, 3 iyul /Trend, müxbir A.Axundov/
Dünyada plastik məhsulların iri istehsalçısı olan Belçikanın "Ravago" şirkəti Azərbaycan bazarına çıxır.
Azərbaycanda "RAVAGO DISTRIBUTION CENTER" MMC-nin nümayəndəliyi qeydiyyatdan keçib. Trend-in məlumatına görə, bu barədə çərşənbə axşamı Vergilər Nazirliyinin rəsmi saytının "bir pəncərə" bölməsində bildirilir.
Şirkətin rəsmi nümayəndəsi Slovakiya vətəndaşı Peter Maqadır.
Nümayəndəlik vergi orqanlarında dövlət qeydiyyatından iyunun 6-da keçib.
Qeyd edək ki, şirkət plastika və elastomer xammalın paylanması, təkrar satışı, emali, istifadəsi sahəsində çalışır. "Ravago" plastmasın təkrar emalı sahəsində dünya lideridir. "Ravago" özünün törəmə şirkətləri və nümayəndəlikləri vasitəsilə dünyanın 50-yə yaxın ölkəsində fəaliyyət göstərir.
