Azərbaycan, Bakı, 4 sentyabr /Trend, müxbir A.Axundov/
Mərkəzi Bank yanında fəaliyyət göstərən Azərbaycan İpoteka Fondunun (AİF) xətti ilə 2012-ci ilin yanvar-avqust aylarında 42,51 milyon manat və ya 54,13 milyon dollardan çox kredit verilib. Trend-in məlumatına görə, bu barədə çərşənbə axşamı AİF-in saytında dərc edilən statistik hesabatda deyilir.
İyul ayı ilə müqayisədə avqustda ayrılan ipoteka kreditlərinin həcmi 8,25 faiz artıb.
AİF-in xətti ilə maliyyələşdirməyə başlanandan - 2006-cı ildən 2012-ci ilə qədər 387,97 milyon manat dəyərində ipoteka krediti ayrılıb.
2012-ci ilin yanvar-avqust ayları ərzində bankların əvvəllər ayırdığı kreditlərin yenidən maliyyələşməsinin ümumi həcmi 65,53 milyon manat təşkil edib.
Bu ilin səkkiz ayı ərzində AİF 23 milyon manat həcmində istiqrazlar yerləşdirib.