...

"Böyük Bakı"nın regional inkişaf planı üzrə ictimai dinləmələr başlayır

Biznes və iqtisadiyyat xəbərləri Materials 10 Sentyabr 2012 14:52 (UTC +04:00)

Azərbaycan, Bakı, 10 sentyabr /Trend, müxbir A.Axundov/

Sentyabrın sonunda "Böyük Bakı"nın 2030-cu ilədək regional inkişaf planı üzrə ictimai dinləmələr başlayır. Trend-in məlumatına görə, bu barədə bazar ertəsi jurnalistlərə Dövlət Şəhərsalma və Arxitektura Komitəsi sədrinin köməkçisi Anar Bayramov bildirib.

Plan Bakının 11 rayonunu, habelə Xırdalan da daxil olmaqla, Sumqayıt və Abşeronu əhatə edir. Bu isə ümumilikdə 280 min hektar ərazidir.

"Dinləmələr zamanı mövcud ərazilərin inkişafı, tikiləcək obyektlərə aid məsələlər və digər problemlər müzakirə ediləcək", - daha əvvəl komitədən bildirmişdilər.

Bayramovun sözlərinə görə, hazırda planın konsepsiyasının tamamlanması işləri aparılır.

Oktyabrın 28-də mövcud vəziyyətin ilkin qiymətləndirilməsinin nəticələrini nəzərdən keçirmək üçün Dünya Bankının nümayəndələrinin Bakıya səfəri baş tutacaq.

Xəbər lenti

Xəbər lenti