...

2013-cü ildə Azərbaycanın icmal büdcəsinin gəlirləri azalacaq

Biznes və iqtisadiyyat xəbərləri Materials 15 Oktyabr 2012 20:31 (UTC +04:00)

Azərbaycan, Bakı, 15 oktyabr /Trend, müxbir A.Axundov/

2013-cü ildə Azərbaycanın icmal büdcəsinin gəlirləri 20,724 milyard manat təşkil edəcək ki, bu da 2012-ci ilin proqnoz göstəricilərindən 1,123 milyard manat və ya 5,1 faiz, 2011-ci ilin faktiki göstəricilərindən isə 2,502 milyard manat və ya 10,8 faiz azdır.

Trend-in məlumatına görə, bu barədə bazar ertəsi Maliyyə Nazirliyi tərəfindən dərc edilən 2013-cü ilin dövlət və icmal büdcələrinin layihələrində deyilir.

İcmal büdcəsinin gəlirləri ölkənin dövlət büdcəsi hesabına 19,154 milyard manat, Naxçıvan Muxtar Respublikası büdcəsinin gəlirləri 332,7 milyon manat, Azərbaycan Respublikası Dövlət Neft Fondunun (ARDNF) gəlirləri 11,819 milyard manat, Dövlət Sosial Müdafiə Fondunun (DSMF) büdcəsinin gəlirləri 2,633 milyard manat səviyyəsində formalaşdırılacaq.

2013-cü ildə icmal büdcənin xərcləri 24,46 milyard manat təşkil edəcək ki, bu da 2012-ci il üçün proqnoz göstəricilərini 3,55 milyard manat və ya 17 faiz, 2011-ci ilin faktiki göstəricilərini isə 6,919 milyard manat və ya 39,4 faiz üstələyir.

İcmal büdcənin xərcləri dövlət büdcəsinin xərcləri hesabına 19,81 milyard manat, Muxtar Respublikanın büdcəsinin xərcləri 332,7 milyon manat, ARDNF-nin xərcləri 13,559 milyard manat, DSMF-nin xərcləri 2,633 milyard manat, xarici kreditlər hesabına maliyyələşdirilən layihələr üzrə xərclər 1,3 milyard manat səviyyəsində olacaq.

2013-cü il üçün icmal büdcənin kəsirinin 3,736 milyard manat səviyyəsində olacağı proqnozlaşdırılır.

Məqalədə:
Xəbər lenti

Xəbər lenti