Azərbaycan, Bakı, 31 oktyabr /Trend, müxbir C.Nəsibova /
Azərbaycan və Bolqarıstan noyabrın əvvəlində Bolqarıstan Respublikasının regionların inkişafı və ictimai işlər naziri Liliyana Pavlovanın başçılıq etdiyi nümayəndə heyətinin səfəri müddətində iqtisadi əməkdaşlığın perspektivlərini müzakirə edəcəklər. Trend-in məlumatına görə, bu barədə çərşənbə günü Azərbaycanda İxracın və İnvestisiyaların Təşviqi Fondunun (AZPROMO) rəsmi saytında dərc olunmuş məlumatda deyilir.
Bolqarıstanlı nazirin Bakıya səfəri çərçivəsində noyabrın 5-də Azərbaycan-Bolqarıstan biznes forumu keçiriləcək.
Tədbirdə infrastruktur, mühəndislik, elektroenergetika, neft-qaz və digər növ komplekslərin, həmçinin müxtəlif növ obyektlərin tikinti və layihələndirilməsi sahəsində fəaliyyət göstərən Bolqarıstan iş adamları iştirak edəcəklər.
Dövlət Gömrük Komitəsinin məlumatına görə, 2012-ci ilin yanvar-sentyabrında ölkələr arasında əmtəə dövriyyəsi 486,57 milyon dollar təşkil edib ki, bunun 470,217 milyon dolları ixracın payına düşür.