Azərbaycan, Bakı, 14 avqust /Trend, müxbir E. Əliyev/
Azərbaycan bankların ümumi gəlirləri cari ilin yanvar-iyun aylarında (faiz və qeyri-faiz) 960,9 mln. manat təşkil edib və ötən ilin I yarısı ilə müqayisədə 27% (204,1 mln. manat) artıb.
Azərbaycan Mərkəzi Bankının (AMB) çərşənbə günü saytında yerləşdirdiyi maliyyə sabitliyi haqqında hesabata görə, Azərbaycan banklarının ümumi faiz gəlirliyi 29 faiz (və ya 172,4 milyon) artaraq iyul ayının birində 766,1 milyon manata çatıb.
Dövr ərzində bankların cəmi qeyri-faiz gəlirləri ötən ilin I yarısı ilə müqayisədə19,4% artmış və 194,7 mln. manat təşkil edib.
Dövr ərzində bankların müştərilərə verdiyi kreditlər üzrə faiz gəlirləri ötən ilin müvafiq dövrü ilə müqayisədə 29,3 faiz artmışdır (2013-cü ilin I yarımilliyində 707 mln. manat, 2012-ci ilin I yarısında 546,9 mln. manat). Faiz gəlirlərinin orta aktivlərə nisbəti I yarımillikdə 7,7 faiz olub.
Faiz gəliri gətirən digər əməliyyatlardan (banklararası tələblər, investisiyalar vəmaliyyə lizinqi) əldə edilən gəlir 26,3 faiz artıb və orta aktivlərə nisbətdə 0,6 faiz təşkil edib.
Qeyri-faiz xərcləri ilin I yarısında 22,7 faiz artıb və 344,3 mln. manat təşkil edib. Qeyri-faiz xərclərinin orta aktivlərə nisbəti 0,1 faiz bəndi azalaraq 3,8 faiz olub. Ümumi xərclər isə (faiz və qeyri-faiz) 21,2 faiz (128,4 mln. manat) artaraq 734,9 mln manat təşkil edib.
Dövr ərzində faiz xərcləri 390,6 mln. manat təşkil edib. Bu əsasən müddətli depozitlər üzrə faiz xərclərindən ibarətdir. Faiz xərclərinin orta aktivlərə nisbəti ötən ilin I yarısına nəzərən 0,1 faiz bəndi azalaraq 4,3 faiz olub.
Qeyri-faiz xərcləri ilin I yarısında 22,7% artmış və 344,3 mln. manat təşkil edib. Qeyri-faiz xərclərinin orta aktivlərə nisbəti 0,1 faiz bəndi azalaraq 3,8 faiz olub. Ümumi xərclər isə (faiz və qeyri-faiz) 21,2 faiz (128,4 mln. manat) artaraq 734,9 mln manat təşkil edib.
Xalis əməliyyat mənfəəti 226 milyon manat təşkil edib.
Cari ilin yarım ilində bankların gəlirliliyi əhəmiyyətli artıb. Kapitalın gəlirliliyi (ROE) 14,8 faizə çatıb. ROE-nin artması aktivlərin keyfiyyətinin stabilləşməsi və kreditlər üzrə ehtiyatlara ayırmaların həcminin əhəmiyyətli azalması ilə əlaqədardır. Bank aktivlərinin gəlirliliyi (ROA) yarımillik ərzində 1,8 faiz təşkil edib .
2013-cü ilin I yarımilliyində bankların əldə etdikləri mənfəət 174,1 mln. manat təşkil edib. Vergi ödənildikdən sonra xalis mənfəət isə 162,3 mln. manat olub.
Mənfəətlə işləyən bankların sayı 40 (01.01.2013-ci il tarixə sayı 33), zərərlə işləyən bankların sayı isə 3 (01.01.2013-ci il tarixə sayı 10) olub.
