Azərbaycan, Bakı, 15 avqust /Trend, müxbir E. Əliyev/
Azərbaycan 2012-ci ildə Gürcüstan iqtisadiyyatına yatırılan sərmayələrin həcminə görə ilk beşliyə daxildir. Trend-in məlumatına görə, bu barədə Gürcüstan Milli Statistika İdarəsinin saytında yerləşdirilən hesabatda bildirilib.
İdarənin məlumatına görə, 2012-ci ildə Azərbaycandan Gürcüstana yatırılan sərmayələrin həcmi 59 milyon dollar və ya ölkəyə yatırılan birbaşa sərmayələrin ümumi həcminin yeddi faizini təşkil edib.
Ümumilikdə, 2012-ci ildə Gürcüstan iqtisadiyyatına 72 ölkədən 911,6 milyon dollar birbaşa sərmayə yatırılıb. Bu göstəriciyə görə ilk pillədə Almaniya (138,8 milyon dollar və ya birbaşa sərmayələrin ümumi həcmi 15 faiz), ikini yerdə Böyük Britaniya (93,6 milyon dollar və ya birbaşa sərmayələrin ümumi həcmi 10 faiz), Türkiyə və beynəlxalq sərmayə təşkilatları müvafiq olaraq 81,1 milyon dollar (9 faiz) və 63,5 milyon dollar (7 faiz) məbləğlə üçüncü və dördüncü yeri tuturlar.
