Azərbaycan, Bakı, 7 oktyabr /Trend, müxbir E. Əliyev/
Oktyabrın 11-də Azərbaycanda İxracın və İnvestisiyaların Təşviqi Fondunun (AZPROMO) və Azərbaycan Diplomatik Akademiyasının birgə təşkilatçılığı ilə "Afrikada biznes imkanları" mövzusunda təqdimat keçiriləcək.
Trend-in AZPROMO-nun yaydığı məlumata istinadən verdiyi xəbərə görə, təqdimat Azərbaycan sahibkarlarının Afrikada fəaliyyəti üçün imkanlara həsr edilib.
Tədbir Afrika qitəsində yerləşən və iqtisadi baxımdan daha perspektivli dörd ölkəyə (Anqola, Namibiya, Botsvana və Cənubi Afrika) həsr olunub. Həmin ölkələrə dair toplanmış məlumatlar əsasında müvafiq ölkə profilləri və bu profillərə uyğun olaraq Azərbaycanın həmin ölkələrdə potensial biznes imkanları dəyərləndirilib (kənd təsərrüfatı, enerji, telekommunikasiya, inşaat, turizm və s. kimi sahələr).
Azərbaycan sahibkarları tədbirdə iştiraka dəvət edilirlər.